പീതന് കെ വയനാട്
കുറച്ചു വലുതായിരിക്കട്ടെ വീട്,
നാട്ടുകാരുടെ മുമ്പില്
തലയുയര്ത്തി നടക്കേണ്ടേ നമുക്കും!
കുട്ടികള് പറഞ്ഞത്
അവരുടെ അമ്മയും ആവര്ത്തിച്ചു.
ആഞ്ഞിലി വെട്ടിയിട്ടു.
അനന്തനാശാരികുറ്റിവച്ചു;
അടുക്കളയിപ്പോള്
വീടുകള്ക്ക് രണ്ടാണ്.
ഒരു നിലയിലൊതുങ്ങില്ല;
രണ്ടാം നിലയില്
കിടപ്പറകള് രണ്ട്.
കിട്ടന് മേസ്ത്രിരിയാണ്
കെട്ടിടം പണിയില് കേമന്.
മണലിനിപ്പോള്
മധുരത്തേക്കാള് പ്രിയം.
മരം തികയില്ല,
പാറമടയില് സമരം?
കി ട്ടേട്ടന് പണിതിരക്കാണ്.
വേറെയും പണിപിടിച്ചിച്ചുണ്ട്
പിണക്കാനാവില്ല!
കുറച്ചു വലുതായിരിക്കട്ടെ വീട്
കൂട്ടുകാരുടെയിടയില്
എനിക്കും പറഞ്ഞു നില്ക്കണമല്ലോ
എന്ജിനീയര്
എസ്റ്റിമേറ്റ് തന്നു
എത്രയും വേഗം വയ്പനല്കാമെന്ന്
ബാങ്ക് മാനേജര് പറഞ്ഞു.
എല്ലാം ചിലവായി
മാലയും വളയുംപണയംവച്ചു
ഒരു മഴക്കാലം മുഴുവന്നനഞ്ഞു.
കുറച്ചു വലുതായിരിക്കട്ടെ വീട്
കുട്ടികള്ക്ക് സന്തോഷമായി
അവരുടെ അമ്മയ്ക്ക്
അഭിമാനമായി.
ആധിയിപ്പോള്
എനിക്കുമാത്രം
കുറച്ചു വലുതായിപ്പോയില്ലേ
വീട്?
No comments:
Post a Comment