Sunday, November 6, 2011

കഥ: ബദല്‍മാര്‍ഗ്ഗം

ഒരു മകന്‍ പിറന്നതോടെ
സന്താന നിയന്ത്രണ  മാര്‍ഗ്ഗം അയാള്‍ സ്വീകരിച്ചു .
 കൂടുതല്‍ മക്കളെ ആഗ്രഹിച്ച അയാളുടെ ഭാര്യ സങ്കടപ്പെട്ടു. പെട്രോളിന് വില യേറിയപ്പോള്‍ അയാള്‍  തന്‍റെ വാഹനം വിറ്റ്
യാത്രക്കായി  ബസ്‌ തിരഞ്ഞെടുത്തു.
സാമ്പത്തിക പ്രതിസന്ധി  മൂലം കമ്പനി അയാളുടെ ശമ്പളംവെട്ടിക്കുറച്ചതോടെ തീന്‍ വിഭവങ്ങളിലെ മെനുവില്‍ 
മാറ്റം വരുത്തി അയാള്‍ പ്രശ്നം  പരിഹരിച്ചു.
അയാളുടെ പടിപടിയായ പ്രവൃത്തിയില്‍
ഭാര്യയും മകനും പ്രതിക്ഷേധിച്ചുകൊണ്ടിരുന്നു.
അപ്രതീക്ഷിതമായി  വിദേശ മദ്യത്തിനു വിലയേറി.
മദ്യപാനി യായ  അയാള്‍ തന്‍റെ സങ്കടം  ഭാര്യയുമായി പങ്കിട്ടു. 
അവള്‍ അയാളെ നോക്കി പൊട്ടിച്ചിരിച്ചു.

''ചേട്ടന്‍ വിഷമിക്കുന്നത് എന്തിനാണ് ? 
അതിനും ഒരു മാര്‍ഗ്ഗം  തെളിയാതിരിക്കുകയില്ല''

അയാള്‍ മദ്യം അകത്താക്കി സന്തോഷത്തോടെ വീടണഞ്ഞു.
പൂട്ടിയ വീടിന്‍റെ വാതിലിന്‍റെ കൊളുത്തില്‍ അയാളെ എതിരേറ്റത്  ഒരു 
കത്തായിരുന്നു.
അയാള്‍ കത്ത് തുറന്നു  
''ഇനി ഞങ്ങളേയും വെട്ടി ക്കുറച്ചോളൂ! ''



                                                        അബ്ദുല്ലത്തീഫ്  നീലേശ്വരം:  

No comments:

Post a Comment