ഒരു സാന്ത്വന സ്പര്‍ശമായ്
തന്നു നീ എനിക്കൊരു മണിവേണു
അതു കാണ്‍കെ ഞാനോര്‍ക്കുന്നു
നിന്‍ വേണു നാദം മണിവര്‍ണ്ണാ .....
പാടൂ നീ ആനന്ദ ധാരയായ്
നിന്നാശ്വാസമന്ത്രങ്ങള്‍,
കേട്ടു ഞാന്‍ തളര്‍ന്നുറങ്ങീടട്ടെ
നിന്‍ പാദാര വിന്ദങ്ങളില്‍
എനിക്കെന്തിഷ്ടമാണെന്നോ.....
നിന്‍റെ കാല്‍ചിലമ്പൊച്ച,
ചുരുള്‍ മുടികെട്ടിലെ മയില്‍പീലിതണ്ട്‌ ,
വശ്യ മധുരമാം ചുണ്ടിലെ പുഞ്ചിരി,
തേന്‍ പൊഴിയും ഓടക്കുഴല്‍ നാദം.
ഓര്‍ക്കുന്നു ഞാന്‍ നിന്‍റെ ബാലലീലകള്‍
ദ്വാരകാ പുരിയില്‍ ഞാന്‍ വന്നു കണ്ടപ്പോള്‍
തന്നു നീ നിന്‍റെ പാച്ചോറെനിക്കായ്‌ ,
ആവോള മാസ്വദിച്ചുണ്ടു ഞാന്‍ കണ്ണാ....
വാഗ്ദാനമായ് പിന്നെയും തന്നു നീ
ആശ്വാസമായോരോടക്കുഴലും!
----------------------------------------------------------------
No comments:
Post a Comment