കവിത
പീതന്‍
കെ വയനാട്
പ്രണയത്തിന്റെ പഴങ്കഥ പറഞ്ഞ ഒരുവള്‍
ഹൃദയത്തില്‍ കോരിയിട്ട
തീക്കനല്‍ പോലെ ചിലപ്പോള്‍
നീയെന്നെ പൊള്ളിക്കുന്നല്ലോ പെണ്ണേ
ഓര്‍മ്മ പുസ്തകത്തില്‍,
നീ കുറിച്ചിട്ട വാക്കുകള്‍ ഒരു മുള്ളു പോലെ
എന്നെ കുത്തി നോവിക്കുന്നല്ലോ
എനിക്കറിയില്ല എന്റെ നോവുകള്‍
നിനക്കറിയുമോയെന്ന്?
പ്രണയത്തിന്റെ
പഴങ്കഥ പറഞ്ഞ ഒരുവള്‍
എന്നെ വിശ്വസിപ്പിക്കുന്നു,
നിനക്കും ചിലപ്പോള്‍ ഹൃദയത്തില്‍
ഒരു പൊള്ളലുണ്ടാകാറുണ്ടെന്ന്.
ഞാന്‍ പണ്ട് നിന്റെ
കരള്‍ താളില്‍ കുറിച്ചത്
നിന്നെ കുത്തി നോവിക്കാറുണ്ടാകുമെന്ന്.
പിന്നെയും വേറൊരുവള്‍
പ്രണയത്തിന്റെ പഴങ്കഥ പറയുന്നു.
എനിക്കുറപ്പായിരിക്കുന്നു:
നമ്മള്‍ രണ്ടാളും
പോള്ളലിന്റെ:വേദനയുടെ
ചില നേരമെങ്കിലും
ഉള്ളിലേറ്റുന്നുണ്ടെന്ന്!
....................................................
No comments:
Post a Comment